Os Edublogs

 EDUBLOG. QUE É E PARA QUE SERVE

    "As TIC obrigan neste momento a modificar as estruturas organizativas dos nosos centros, posto que se presentan como opcións de novos recursos que posibilitan innovadoras situacións de aprendizaxe e ensino" (Lorenzo, M. & et. al, 2011, p.143). Aparecen así novas ferramentas como son os edublogs, os cales son unha ferramenta utilizada con fins educativos ou en contornas de aprendizaxe, tanto por profesores como por alumnos e alumnas. Para o seu uso, é preciso enmarcarse nunca teoría construtivista, por medio da cal se promove un papel activo tanto por parte do alumnado como do profesorado, tal e como recollen Lorenzo, M. & et. al. (2011). Así pois, o seu principal obxectivo é o de apoiar o proceso de ensino-aprendizaxe das crianzas, así como o de ofrecer un novo contexto educativo moito máis enriquecedor e adaptado aos novos tempos. Por tanto, "desde a educación formal non debería obviarse a existencia destas ferramentas para apoiar os procesos educativos" (Lorenzo, M. & et. al, 2011, p.144).

    Vendo a todo isto, cómpre destacar unha serie de vantaxes dos edublogs como poden ser: 

  • É fácil facelo e usalo.

  • É gratuíto e con libre acceso dende calquera lugar do mundo.

  • Dispón de modelos de cara ao seu deseño gráfico, o que permite aos usuarios centrarse totalmente no contido.

  • O autor pode compartir a auditoría (como no noso caso, que somos 3 autoras).

  • A súa publicación é cronolóxica (aparece en primeiro lugar o que se incorporou máis recentemente).

  • Permite a integración doutras ferramentas e funcións tales como os comentarios, o trackback, o sistema de arquivos, enlaces permanentes, etc.

  • É unha ferramenta dinámica e flexible.

TIPOS DE FERRAMENTAS OU PROGRAMAS QUE PODEMOS UTILIZAR PARA A CREACIÓN DUN BLOG

Hoxe en día, hai infinidade de ferramentas coas que crear un blogue. A continuación, citaremos algunhas das máis coñecidas:

  • Word Press

  • Blogger (é a que estamos a utilizar nestes momentos)

  • Wix

  • Medium

  • Tumblr

  • Plataformas de e-lerarning, como Moodle

  • ...

OS USOS DOS BLOGS

    Esta ferramenta ten unha infinidade de utilidades, trataremos de explicar aquelas que consideramos máis importantes para desenvolver nas nosas futuras aulas de Educación Infantil.

  • Publicación de artigos curtos denominados “post” acerca do contido traballado cada semana na aula.

  • Publicación de diarios persoais e de grupo para informar ás familias.

  • Elaboración de informes de actividades que se van realizando, incluíndo imaxes e vídeos, incluso coa idea de repetilas na casa de cada un.

  • Ampliación da información que se dá na clase sobre o temario ou as tarefas a realizar, para que cada quen poda utilizalo como actividade extraescolar.

  • Aumentar a motivación e a implicación dos alumnos e alumnas, con materiais lúdicos e divertidos.

  • Crear comunidade entre alumnado e profesorado, podendo cada un comentar os seus intereses, gustos e preferencias.

  • Fomentar o e-learning, para aqueles días nos que o alumnado non poida acudir á aula ou nos ocos libres.

  • Medio de comunicación entre os alumnos e alumnas, fomentando o desenvolvemento da capacidade crítica, xa que permite a expresión da opinión propia.

  • Actividade de fomento da capacidade lectora así como da súa comprensión por medio do uso desta ferramenta.


DOCUMENTO DE REFERENCIA

Lorenzo, M. & et. al. (2011). Usos del weblog en la universidad para gestión de conocimiento y trabajo en red. Píxel-Bit. Revista de Medios y Educación. 39, 141 - 154.

Comentarios

Publicacións populares deste blog

Privacidade, sharenting e dereito ao esquecemento

Descubre o noso portfolio

Videotitorial "Pompas de xabón"